ការស្នើសុំចុះបញ្ជិកាសម្រាប់គ្រូពេទ្យបរទេស ពេទ្យជាជនជាតិបរទេសដែលមកសុំចុះឈ្មោះក្នុងបញ្ជីគណៈគ្រូពេទ្យត្រូវបំពេញសំណុំបែបបទដូចតទៅ៖ ក/. សម្រាប់គ្រូពេទ្យ៖ (ទាញយកសំណុំបែបបទ) ១- បំពេញពាក្យសុំចុះឈ្មោះក្នុងបញ្ជីគណៈគ្រូពេទ្យ ២- មកពីប្រទេសសមាជិករបស់អង្គការសុខភាពពិភពលោក។ ៣- មានសញ្ញាបត្រវេជ្ជសាស្ត្រមូលដ្ឋាន និង/ឬឯកទេសទទួលស្គាល់ដោយស្ថាប័នមានសមត្ថកិច្ចរបស់ប្រទេសសាមី។ ៤- បានចុះបញ្ជីជាមួយគណៈគ្រូពេទ្យប្រទេសសាមី ហើយនៅមានសុពលភាព (មានបញ្ជាក់ពីស្ថាប័នមានសមត្ថកិច្ចប្រទេសសាមីក្នុងករណីចាំបាច់) ឬពីក្រសួងសុខាភិបាល (ចំពោះប្រទេសដែលមិនទាន់មានគណៈគ្រូពេទ្យ)។ ៥- មានអាជ្ញាបណ្ណប្រកបវិជ្ជាជីវៈវេជ្ជសាស្ត្រពីប្រទេសសាមី ហើយនៅមានសុពលភាព (មានបញ្ជាក់ពី ស្ថាប័នមានសមត្ថកិច្ចប្រទេសសាមីក្នុងករណីចាំបាច់) ឬពីក្រសួងសុខាភិបាល (ចំពោះប្រទេសដែលមិនទាន់មានគណៈគ្រូពេទ្យ)។ ៦- មានលិខិតបញ្ជាក់អំពីការប្រព្រឹត្តល្អក្នុងការប្រកបវិជ្ជាជីវៈវេជ្ជសាស្ត្រ (Letter of Good Standing ឬ Certificate of Professional Status or Conduct) ពីគណៈគ្រូពេទ្យប្រទេសសាមី ឬពីក្រសួងសុខាភិបាលចំពោះប្រទេសដែលមិនទាន់មានគណៈគ្រូពេទ្យ។ ៧- មានអាជ្ញាបណ្ណប្រកបវិជ្ជាជីវៈវេជ្ជសាស្ត្រពីប្រទេសសាមី ហើយនៅមានសុពលភាព (មានបញ្ជាក់ពី ស្ថាប័នមានសមត្ថកិច្ចប្រទេសសាមីក្នុងករណីចាំបាច់) ឬពីក្រសួងសុខាភិបាល (ចំពោះប្រទេសដែលមិនទាន់មានគណៈគ្រូពេទ្យ)។ ៨- ប្រវត្តិរូបវិជ្ជាជីវៈ។ ៩- មានកាយសម្បទានិងសុខភាពសមស្របអាចបំពេញការងារបាន និងគ្មានជំងឺឆ្លង។ ១០- មានលិខិតឆ្លងដែន ដែលនៅមានសុពលភាពសមស្រប ក្នុងរយៈពេលអនុវត្តការងារ។ ខ/. សម្រាប់អន្តេវាសិក៖ (ទាញយកសំណុំបែបបទ) ១- បំពេញពាក្យសុំចុះឈ្មោះក្នុងបញ្ជីគណៈគ្រូពេទ្យ ២- បានចុះបញ្ជីជាមួយគណៈគ្រូពេទ្យប្រទេសសាមី ប្រភេទពេញលេញ (Full Registration) ៣- រីឯចំណុចដទៃទៀត ដូចចំណុចទី២ ទី៣ ទី៤ ទី៧ ទី៨ ទី៩ ទី១០ សម្រាប់គ្រូពេទ្យបរទេសជាទូទៅ។
